Ҷалби ҷавонон ба касбомӯзӣ

Кӯлоб, 29 май. (АМИТ «Ховар», С.Холов). – Агентии давлатии ҳифзи иҷтимоӣ, шуғли аҳолӣ ва муҳоҷират ярмаркаи навбатии ҷойҳои кории холӣ ва вазифаҳои озодро доир намуд. Дар ярмарка шӯъбаҳои тандурустии маорифи шаҳру ноҳияҳои минтақаи Кӯлоб ва корчӯён 754 ҷойи кории холӣ ва вазифаҳои озодро пешниҳод намуданд. Ба гуфти масъулин дар минтақаи Кӯлоб аз аввали сол 36 ярмаркаи ҷойҳои кории холӣ гузаронида шуд, ки тавассути он 203 нафар шаҳрванд бо ҷои кори доимӣ таъмин шуда, 517 нафар ба касбомӯзӣ ва 197 нафар ба корҳои ҷамъиятӣ ҷалб шуданд.