8 май- Рўзи ҷаҳонии СС

Душанбе, 8 май.(АМИТ «Ховар», Марзия Саидова).- Ҳамасола 8 май дар саросари ҷаҳон чун Рўзи байналмилалии Салиби Сурх ҷашн гирифта мешавад. Эрик Мишел, намояндаи Федератсияи байналмилалии ҷамъияти Салиби Сурх дар Тоҷикистон гуфт: дар Тоҷикистон тамоми моҳи май ин сана таҷлил гардида, он барои аъзо ва ихтиёриён ҷамъият имкон медиҳад, ки фаъолияташонро хубтару бештар намоянд ва бовар дорам, ки бо чунин амал эътибори шахсони хайрхоҳу накўкор, ки дасти фитодагонро мегиранд, ба маротиб меафзояд. Мавриди зикр аст, ки санаи таҷлили Рўзи байналмилалии Салиби Сурх ба рўзи мавлуди Анри Дюнан (8-05-1928), ташаббускор ва асосгузори Ҷамъиятҳои Салиби Сурх ва Ҳилоли Аҳмар тавъам аст. Ин ниҳоди башардўстонаи байналмилалӣ дар мавриди расонидани кўмакҳо ба шахсони ниёзманду осебпазир ва дигар табақаҳои ниёзманди ҷомеа фаъолияти густурда дорад.