Анвар Юнусов-соҳиби “Ҷоми Губернатори Санкт-Петербург”
Душанбе, 18 май. ( АМИТ «Ховар», Аловиддин Бӯриев).- Чемпиони Осиё Анвар Юнусов дар мусобиқаи байналмилалии “Ҷоми Губернатори Санкт-Петербург” дар вазни 56 кг ҳарифони худ Александр Никитин, Назир Баллаев (Русия) ва Виторио Паринеллоро (Италия) мағлуб карда, сазовори ҷои аввал гардид.Анвар Юнусов аввалин варзишгарест, ки роҳхати олимпии Лондон- 2012-ро ба кишвари мо овардааст ва имрӯз тибқи шартнома дар ҳайати дастаи “Динамо”-и Маскав дар мусобиқаҳои WSB (Мусобиқоти бокси ҷаҳонӣ) ширкат менамояд. Дар ин замина ӯ 5 вохӯрӣ гузаронида, дар 4-тои он ғолиб омадааст ва дар як рақобат ба шикаст рӯ ба рӯ шудааст. Анвар дар вазни 56 кг дар таснифоти AIBA(Асотсиатсияи дӯстдорони бокс) дар зинаи аввал қарор дорад.