Бахшида ба рӯзи ҷавонон

Файзобод, 24 май. (АМИТ «Ховар», Зебо Давлатова). – Бахшида ба рӯзи ҷавонон дар Қасри фарҳанги ноҳияи Файзобод ҷамъомади бошукӯҳ доир гардид. Дар ҷамъомад раиси ноҳия Абдулло Ҳакимов, раиси Кумитаи кор бо ҷавонон, варзиш ва сайёҳии назди Ҳукумати ҷумҳурӣ Маликшо Неъматов, намояндагони нӯҳ ҷамоати деҳоти ноҳия ва раисони ташкилоту муассисаҳо иштирок доштанд.Дар ин рӯз масъалаҳои мубрами ҳаёти ҷавонони ноҳия, саҳми ҷавонон дар ҷомеаи навини озоду соҳибистиқлоли мо баррасӣ гардид. Инчунин мусобиқаҳои варзишию фарҳангӣ бо ширкати ҷавонон баргузор шуданд. Дар ин бора ба мо мудири бахши ҷавонон, варзиш ва сайёҳии назди ҳукумати ноҳияи Файзобод Умедҷон Раҳимов иттилоъ дод.