Барқияи тасаллияти Э. Раҳмон ба Амири Давлати Қатар

Душанбе, 29 май. (АМИТ «Ховар»).- Президенти Ҷумҳурии Тоҷикистон Эмомалӣ Раҳмон ба Амири Давлати Қатар Шайх Ҳамад ибни Халифа Оли Сонӣ барқияи тасаллият ирсол намуд, ки дар он аз ҷумла омадааст:  Волоҳазрат, Амири билод, Аз хабари рух додани сӯхтор дар маркази тиҷоратии ад-Давҳа, ки ба ҳалокати 19 нафар оварда расонидааст, огоҳ гашта, ниҳоят андӯҳгин шудам. Махсусан ҳалокати 13 нафар атфол моро сахт ғамгин сохт. Таманно дорам, ки боқимондаи осебдидагони ин фоҷиа ҳар чи зудтар шифои комил ёбанд. Ҳоҳишмандам тасаллият ва ҳамдардии моро ба наздикони ҳалокшудагон бирасонед. Худо ҷояшонро ҷаннат ва маъвои охираташонро пурнур гардонад.Дар ин бора ба АМИТ «Ховар» аз Хадамоти матбуоти Президенти Ҷумҳурии Тоҷикистон иттилоъ доданд.