Барномаи давлатии корҳои соҳилмустаҳкамкунӣ

Душанбе, 24 май. (АМИТ «Ховар», Лаззат Диловарзод).- Дар асоси «Барномаи давлатии корҳои соҳилмустаҳкамкунӣ дар Ҷумҳурии Тоҷикистон барои соҳои 2011- 2015» дар вилояти Хатлон аз ҳисоби ҳамаи даромадҳо 17,4 млн. сомонӣ пешбинӣ шудааст, ки то 1-уми майи соли ҷорӣ ба маблағи 18,6 млн. сомонӣ корҳои соҳилмустаҳкамкунӣ анҷом дода шудаанд. Соли ҷорӣ аз тарафи Ҳукумати ҷумҳурӣ беш аз 10 млн. сомонӣ барои корҳои аввалиндараҷаи соҳилмустаҳкамкунӣ ҷудо гардидааст.Ба иттилои манбаъ, аллакай беш аз 5 млн. сомонӣ барои иҷрои корҳои пешгирии селу обхезӣ ва мустаҳкамкунии соҳили сойу дарёҳо равона шудааст.