Барои се соли дигар мораторий эълон мегардад

Май 23, 2012 15:16

Душанбе, 23 май.(АМИТ «Ховар», Марзия Саидова).-Вакилони палатаи поёнии парлумони Тоҷикистон 23 майи соли 2012 лоиҳаи Қонуни Ҷумҳурии Тоҷикистон «Дар бораи мораторийи санҷишҳои фаъолияти субъектҳои соҳибкорӣ дар соҳаҳои истеҳсолӣ»-ро дар ҷаласаи навбатии иҷлосияи сеюми Маҷлиси намояндагон баррасӣ ва қабул намуданд. -Ҳадаф аз таҳия ва қабули лоиҳаи қонуни мазкур рушди иқтисодиёти миллӣ, соҳибкорӣ дар бахши истеҳсолот, муҳайё намудани ҷойҳои нави корӣ ва ғанӣ гардонидани буҷаи давлатӣ мебошад», гуфт дар назди вакилон Давлаталӣ Саидов, раиси Кумитаи давлатии сармоягузорӣ ва идораи амволи давлатии назди ҳукумати ҷумҳурӣ. Мавсуф афзуд, ки бо қабули қонуни мазкур минбаъд соҳибкороне, ки корхонаҳои саноатӣ месозанд ва таҷҳизоту технологияи муосир ворид намуда, онро дар истеҳсолот роҳандозӣ менамоянд, муддати се сол аз тамоми намуди санҷишҳо озод карда мешаванд. Зикр шуд, ки қаблан чунин мораторий соли 2008 ба мўҳлати ду сол дар Тоҷикистон эълон гардида буд, ки он ба рушди соҳибкорӣ дар кишварамон мусоидат намуд. Ҷиҳати татбиқи раванди қонуни мазкур Комиссияи давлатӣ созмон дода мешавад, ки дар ҳайти он намояндагони вазорату идораҳо, сохторҳои давлатӣ ва ҷамъиятӣ шомил мегарданд. Санҷиши таҷҳизоту технология барои истеҳсолот, ки аз кишварҳои хориҷӣ ворид мешаванд, яке аз самтҳои афзалиятноки фаъолияти комиссияи мазкур маҳсуб меёбад. Лоиҳаи Қонуни Ҷумҳурии Тоҷикистон «Дар бораи мораторийи санҷишҳои фаъолияти субъектҳои соҳибкорӣ дар соҳаҳои истеҳсолӣ» баъди имзои санад аз ҷониби Президенти ҷумҳурӣ ва интишори он дар нашрияҳои расмӣ ба ҳукми қонун медарояд.

Май 23, 2012 15:16

Хабарҳои дигари ин бахш

Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд