BMV-X5 корманди парлумонро пахш намуд

Душанбе, 30 май. (АМИТ «Ховар» Мавҷуда Анварӣ). — Имрӯз, 30 май, тақрибан соати 12- и рӯз дар чорроҳаи хиёбони Рӯдакӣ буриши кучаи Бухорои пойтахт Рафоатхон Чӯпонова, мудири бахши молияи Маҷлиси намояндагони Маҷлиси Олии ҷумҳурӣ дар пайи як садамаи нақлиётӣ ба ҳалокат расид. Рафоатхон Чӯпоноваи 45 — соларо автомашинаи тамғаи BMV-X5 таҳти идораи сокини шаҳри Душанбе Бахтиёр Хушвахтови 28-сола пахш намуда, ронанда аз ҷойи ҳодиса ғайб мезанад. Тавре ки аз Раёсати Бозрасии давлатии автомобилии ВКД ба АМИТ «Ховар» хабар доданд, дар натиҷаи гузаронидани корҳои фаврию ҷустуҷӯӣ аз ҷониби кормандони мақомоти мазкур ронанда дарҳол дастгир гардид. Мақомот феълан доир ба ин ҳодисаи маргбор тафтишотро шурӯъ намудаанд.