Бохти дастаи футзали Тоҷикистон дар дидори санҷишӣ
Душанбе, 21 май. ( АМИТ «Ховар», Аловиддин Бӯриев).- Тими мунтахаби футзали мамлакат, ки дар Амороти Муттаҳидаи Араб ба чемпионати 12-уми Осиё тайёрӣ мебинад, дар дидори нахустини санҷишии худ бо дастаи мизбон бо натиҷаи 0 бар 4 шикаст хӯрд. Бино ба маълумоти Дамир Камолиддинов, сармураббии даста «футболбозони мо дар хати ҳимоя ба хатогии зиёд роҳ доданд ва натиҷа ҳам аз ҳамин иштибоҳҳо ба амал омад. Бовар ҳаст, ки то оғози мусобиқаи асосӣ мо аз ин камбудиҳо хулосаи амиқ мебарорем».Имрӯз футболбозони мо вохӯрии дуввуми таҷрибавии худро бо дастаи «Дубай полис клаб» доир хоҳанд кард. Рӯзи 22 –юми май Куриёи Ҷанубӣ дар дидорҳои охирини санҷишӣ дастаи моро имтиҳон хоҳад кард.