Боздиди тоҷикон аз бузургтарин ҷамъомад
Душанбе, 8 май.(АМИТ «Ховар», Марзия Саидова).-Ду гурўҳи 70 нафара, ки аз намояндагони аҳли илму адаб ва вазорату идораҳои Тоҷикистон иборат аст, ҷиҳати иштирок дар намоишгоҳи байналмилалии «Китоби Теҳрон» ба Эрон сафар карданд. Масъули бахши матбуоти Сафорати Эрон дар Душанбе Ҳусайн Шерхонӣ дар сўҳбат ба хабарнигори АМИТ «Ховар» гуфт, ки ҳайати тоҷикистонӣ дар баробари боздид аз намоишгоҳи «Китоби Теҳрон», ҳамзамон ёдгориҳои таърихӣ ва шаҳрҳои бостонии Эронро тамошо хоҳад кард. Шоҳмансури Шоҳмирзо, коршиноси масоили фарҳангӣ мегўяд: намоишгоҳи байналмилалии «Китоби Теҳрон», ки 25 сол боз баргузор карда мешавад, аз бузургтарин ҷамъомади фарҳангӣ дар Эрон ва минтақа аст. Дар он ҳудуди 2500 ношири эронӣ ва беш аз 1500 ношири хориҷӣ ширкат намуда, китобҳои тозанашрро ба маърази тамошо ва фурўш мегузоранд. Ҳадафи аслии намоишгоҳи китоб муаррифӣ ва тарғиби китобҳои тозанашр, тавсеаи ҳамкориҳои мутақобилан судманд байни ноширони кишварҳои ҷаҳон дар бахши чопи китоб ва китобдорист.
Имрӯз дар Тоҷикистон борони кӯтоҳмуддат меборад
ОМОДАГӢ БА ЗИМИСТОН. Иншооти соҳаҳои маориф ва тандурустии шаҳри Роғун бо ангишт, ҳезум ва сӯзишворӣ таъмин мебошанд
Дар Данғара даври ноҳиявии Озмуни ҷумҳуриявии «Беҳтарин хизматчии давлатӣ аз ҳисоби занон» доир гардид
Дар шаҳри Гулистон иншооти нави иҷтимоӣ ба истифода дода шуд
Имрӯз мардуми Мамлакати Шоҳигарии Арабистони Саудӣ 96-солагии ҷашни миллияшонро таҷлил менамоянд
Аз 23 то 25 сентябр дар баъзе минтақаҳои Тоҷикистон омадани сел пешгӯӣ мешавад
Тоҷикистон пас аз рӯзи сеюми Бозиҳои Осиёӣ-2026 дар ҷадвали медалҳо дар зинаи ҳафтум қарор дорад
Дар Тоҷикистон беш аз 800 ҳазор тонна зироати ғалладонагӣ ҷамъоварӣ шудааст
Ҷаласаи Комиссияи Озмуни ҷумҳуриявии «Донандаи беҳтарини асарҳои Пешвои миллат» доир шуд
