Чемпиони ҷаҳон дар шоҳмот пагоҳ маълум мешавад

Душанбе, 29 май. ( АМИТ «Ховар», Аловиддин Бӯриев).- Ғолиби бозии шоҳмот барои унвони чемпиони ҷаҳон дар тай-брейк (чор бозии босуръат дар шоҳмот) маълум карда мешавад. Баъди вохӯрии 12-ev байни Вишванатан Ананди ҳинд (соҳиби унвон) ва Борис Гелфанд аз Исроил натиҷаи мусовии 6 бар 6 ба қайд гирифта шуд. Ин вохӯриҳо дар шахри Маскав сурат гирифтанд.Агар рӯзи 30 май дар чор бозии тай-брейк ғолиб муайян нашавад, пас ин бозингарон 5 бозии блитс( бо идораи 5 дақиқагӣ) хоҳанд гузаронид. Дар сурати натиҷа надодани ин чора барои муайян кардани чемпиони ҷаҳон бозии асосӣ таъин мегардад. Барои оне,ки бо мӯҳраҳои сафед бозӣ мекунад, 5 дақиқа барои ҳаракат ва барои мӯҳраҳои сиёҳ 4 дақиқа вақт ҷудо мешавад. Агар вохӯрӣ мусовӣ анҷом ёфт, ғолиб оне дониста мешавад,ки бо мӯҳраҳои сиёҳ бозӣ карда буд.