Чорабинӣ бахшида ба Иди Ғалаба дар ВКД

Душанбе, 7 май. (АМИТ «Ховар», Лутфия Эшонқулова).- 5 май дар толори Вазорати корҳои дохилии Ҷумҳурии Тоҷикистон ба муносибати ҷашни Ғалаба ҷамъомади бошукӯҳ, баргузор гардид. Дар чорабинӣ Аше ва дастгоҳҳое, ки дар айёми Ҷанги Бузурги Ватанӣ истифода мешуданд, ба намоиш гузошта шуданд. Тавре ки сомонаи Вазорати корҳои дохилӣ mvd.tj хабар медиҳад, дар ҷамъомади ҷашнӣ вазири корҳои дохилии мамлакат генерал-лейтенанти милитсия Рамазон Раҳимов ба собиқадорони Ҷанги Бузурги Ватанӣ кӯмаки пулӣ расонида, раёсатҳои вазоратро барои нигоҳубин ва таъмини маводи ғизоӣ ба собиқадорон вобаста кард. Инчунин дар ҷамъомад ҳунармандони ансамбли назди Вазорати корҳои дохилӣ- «Сипар» бо суруду таронаҳои дилангезашон табъи ҳозиринро хуш карданд. Собиқадорони ҷанг аз чунин чорабинӣ изҳори хушнудӣ карда, миннатдории хешро ба вазири корҳои дохилӣ ҷиҳати ғамхориаш ба онҳо баён намуданд.