Даҳ рўзи ҳаёти ҷавонони пойтахт

Май 18, 2012 17:11

Душанбе, 18 май.(АМИТ «Ховар», Марзия Саидова).- Дар доираи Рўзи ҷавонон, ки ҳамасола 23 май таҷлил мегардад, дар пойтахт бо қарори марбутаи раиси шаҳри Душанбе Маҳмадсаид Убайдуллоев даҳаи ҷавонон — «Даҳ рўзи ҷавонони шаҳри Душанбе» эълон шудааст. Дилшод Қурбонов, сардори Раёсати ҷавонон, варзиш ва саёҳии шаҳри Душанбе дар сўҳбат ба хабарнигори АМИТ «Ховар» гуфт, ки ин иқдом бо мақсади татбиқи сиёсати давлатии ҷавонон, мусоидат ба раванди тарбияи ватанпарастӣ, дар сатҳи баланди сиёсиву фарҳангӣ ва илмиву маърифатӣ таҷлил намудани Рўзи ҷавонони Тоҷикистон дар пойтахт андешида шудааст. Дар асоси қарори мазкур аз ҷониби сохторҳои шаҳрдорӣ нақшаи чорабиниҳои гуногуни тарғиботию оммавӣ, илмию фарҳангӣ ва варзишӣ тарҳрезӣ гардидааст. Баргузории вохўриву сўҳбатҳо ва мулоқот дар муассисаҳои таълимӣ, табобатӣ, қисмҳои низомӣ, шаҳраку маҳаллаҳо таҳти унвони «21 соли Истиқлолият ва комёбиҳои он дар ҳаёти моддию маънавии ҷавонон» ва аёдати собиқадорони соҳаи кор бо ҷавонон, ходимони барҷастаи давлативу ҷамъиятӣ ва иштирокчиёни Ҷанги Бузурги Ватанӣ дар назар аст. Инчунин дар доираи «Даҳ рўзи ҷавонони шаҳри Душанбе» Фестивал – озмуни сурудҳои ватандўстонаи «Суруди сарбоз» байни қисмҳои низомии дар пойтахт буда, ба роҳ мондани саёҳати пиёдагардӣ аз Боғи мемориалии «Ғалаба» ба самти ноҳияи Варзоб, ташкили ҳашари умумишаҳрии ҷавонон дар боғу гулгаштҳо ва марказҳои фарҳангию фароғатии пойтахт ва гузаронидани Дави миллӣ дар пойтахт рўзи 20 май дар назар аст.

Май 18, 2012 17:11

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд