Дар Душанбе биноҳои баландошёна сохта мешаванд
Душанбе, 28 май.(АМИТ «Ховар», Марзия Саидова).- Раиси шаҳри Душанбе Маҳмадсаид Убайдуллоев Раёсати сохтмони асосии шаҳри Душанберо муваззаф намуд, ки қарордоди сеҷонибаро ҷиҳати сохтмони маҷмааи биноҳои истиқоматии баландошёнаи бисёрҳуҷрадор бо ҷойгир намудани маркази савдову хизматрасонӣ дар ошёнаҳои якуму дуюм ва таваққуфгоҳи зеризаминии якқабата дар хиёбони Рӯдакӣ (рӯ ба рӯи Донишгоҳи давлатии тиббии Тоҷикистон) таҳия намояд. Дар робита ба ин миёни Раёсати сохтмони асосии шаҳр, шаҳрдорӣ ва Ҷамъияти дорои масъулияти маҳдуди «Ростовгипрошахт»-и шаҳри Ростови лаби Дони Русия шартнома барои таҳияи ҳуҷҷатҳои лоиҳавию харҷномавии иншооти мазкур ба имзо мерасад. Тибқи ин лоиҳа чор адад бинои баландошёна- 1 ададӣ 12 ва 16 ошёна ва ду бинои 14 ошёна дар масоҳати 72 гектар бунёд мешавад. Ҷиҳати татбиқи лоиҳаи мазкур бо қарори раиси шаҳри Душанбе аз ҳисоби маблағҳои озоди буҷаи шаҳр беш аз 4 миллиону 156 ҳазору 500 сомонӣ ҷудо мешавад.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






