Дар Тоҷикистон Рӯзи сарҳадчиён таҷлил мешавад
Душанбе, 28 май. (АМИТ «Ховар», Лутфия Эшонқулова). – Имрӯз дар Тоҷикистон Рӯзи сарҳадчиён таҷлил мешавад. Ба ин муносибат дар Комендатураи Сарраёсати Кумитаи давлатии амнияти миллии ҶТ маҷлиси ботантана баргузор мегардад. Дар ҷараёни ин маросим ба хизматчиёни шоистаи ҳарбӣ унвонҳои ҳарбӣ дода, баъзе сарҳадбонон бо медалу ифтихорномаҳо мукофотонида мешаванд. Дар ин бора аз маркази матбуоти Сарраёсат ба АМИТ «Ховар» хабар доданд. Таърихи ташкили қӯшунҳои сарҳадии Тоҷикистон мураккаб аст. Ташаккули қӯшунҳои сарҳадӣ дар шароити мураккаби иқтисодӣ ва ҳарбию сиёсӣ сурат мегирифт. Ин сохтор дар солҳои душвори муқовимати шаҳрвандӣ дар ҷумҳурӣ ташкил ёфт. Моҳи ноябри соли 1992 бо қарори иҷлосияи ХУ1 Шӯрои Олӣ дар назди Кумитаи амнияти миллӣ бригадаи махсуси сарҳадӣ ташкил ёфта, баъди даҳ рӯз бо қарори Ҳайати раисаи Шӯрои Олӣ дар таркиби кумитаи мазкур Раёсати ҳифзи сарҳадот таъсис ёфт. Сарҳадчиёни тоҷик ҳифзи марзро якҷоя бо сарҳадбонони Русия анҷом медоданд, вале шаш сол инҷониб сарҳадҳои давлатии Тоҷикистони мустақилро худи сарҳадчиёни тоҷик посбонӣ мекунанд.
Имрӯз дар шаҳри Душанбе борон меборад
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Имрӯз дар якчанд вазорату идораҳо нишастҳои матбуотӣ баргузор мегарданд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар Тоҷикистон бориши борон ва барф пешгӯӣ мешавад
