Дар вилояти Кемерово урдугоҳи фарзандони муҳоҷирон кушода мешавад
Душанбе, 30 май. (АМИТ «Ховар»). – Моҳи июн дар шаҳрҳои калонтарини вилояти Кемерово – Новокузнетск ва Кемерово урдугоҳи минтақавии забономӯзии фарзандони муҷирон бо номи «Турнаи сафед» ба кор шурӯъ мекунад. Ин лоиҳаро Академияи давлатии омӯзгории Кузбасс якҷоя бо раёсати фарҳанг ва сиёсати миллии вилоят тарҳрезӣ намудааст.Тавре ки дафтари матбуоти Хадамоти муҳоҷирати Тоҷикистон бо истинод ба дафтари матбуоти маъмурияти вилояти Кемерово хабар медиҳад, дар ин урдугоҳ фарзандони муҳоҷирони Тоҷикистон, Арманистон, Озарбойҷон, Ӯзбекистон, ҳамчунин фарзандони лӯлиҳо истироҳат мекунанд. Дар кори урдугоҳи «Турнаи сафед» омӯзгорони баландихтисоси мактабҳо фаъолона иштирок мекунанд. Мақсади урдугоҳи забономӯзӣ иборат аз ташкили машғулиятҳо аз рӯи забони русӣ ва роҳандозӣ намудани тадбирҳои фарҳангию маърифатӣ байни кӯдакону наврасони миллатҳои гуногун мебошад. Раванди таълим иборат аз машғулият аз рӯи мусиқӣ, эҷодиёти халқӣ ва бозиҳои варзишӣ мебошад. Барои истироҳаткунандагони урдугоҳ барномаи фарҳангӣ аз қабили тамошои шаҳр, осорхонаҳо, театр, китобхонаҳо ва ғайра таҳия гардидааст.
Имрӯз дар шаҳри Душанбе борон меборад
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Имрӯз дар якчанд вазорату идораҳо нишастҳои матбуотӣ баргузор мегарданд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар Тоҷикистон бориши борон ва барф пешгӯӣ мешавад
