Дархости шаҳрванд ба Суди конститутсионӣ
Душанбе, 16 май. (АМИТ «Ховар», Лаззат Диловарзод).-Дирӯз таҳти раёсати раиси Суди конститутсионии ҶТ М.А. Маҳмудов мурофиаи судӣ аз рӯи дархости шаҳрванд Ҷ. Бобоев «Дар бораи муайян намудани мутобиқати сархати 8 қ2 моддаи 42-и Кодекси мурофиавии ҷиноятии Ҷумҳурии Тоҷикистон ба моддаҳои 17 ва 21-и Конститутсияи (Сарқонуни) Ҷумҳурии Тоҷикистон» баргузор гардид.Дар баррасии масъалаи мазкур намояндагони ваколатдори Президенти ҶТ, Маҷлиси миллӣ ва Маҷлиси намояндагон, ҳамчунин намояндагони Вазорати адлия, Вазорати корҳои дохилӣ, Суди Олӣ, Прокурори генералӣ, Шӯрои адлияи ҶТ ва дигар мақомоти дахлдори давлатӣ иштирок намуданд.Суди конститутсионии ҶТ масъалаи мазкурро баррасӣ намуда, иброз дошт, ки тартиби пешбинӣ намудаи сархати 8 қисми 2-и моддаи 42-и Кодекси мурофиавии ҷиноятии ҶТ, ки он ба маводи тафтишот шинос шудани ҷабрдида ва дигар иштирокчиёни мурофиаро пас аз анҷоми тафтиш танзим менамояд, наметавонад ҳамчун ҳолати маҳдудкунандаи ҳуқуқи ҷабрдида ба гирифтани иттилоот оид ба парвандаи ӯ арзёбӣ гардад.Ба гуфти Суди конститутсионӣ М. А. Маҳмудов, дар давоми тафтиши пешакӣ шинос намудани иштирокчиёни мурофиаи ҷиноятӣ бо маводи тафтиш амалан вайрон гардидани раванд ва тартиби ҷамъоварии далелҳо, исботи гуноҳ ва ҷинояти содиргардида мебошад. Дар ин ҳолат амалӣ намудани вазифаҳо ва мақсади пешбурди мурофиаи ҷиноятӣ ҳамчун зинаи муҳими мурофиаи ҷиноятӣ мазмуни худро гум намуда, аҳмияти ҳуқуқӣ ва иҷтимоии худро аз даст медиҳад.Бо назардошти гуфтаҳои боло, сархати 8 қисми 2-и моддаи 42-и Кодекси мурофиавии ҷиноятии ҶТ ба моддаҳои 17 ва 21-и Конститутсияи (Сарқонуни) ҶТ мутобиқ ҳисобида шуд.Ҳамзамон, Суди конститутсионӣ баҳри риояи бечуну чарои талаботи моддаи 18-и Конститутсияи (Сарқонуни) ҶТ, ки тибқи он «ба ҳеҷ кас шиканҷа, ҷазо ва муносибати ғайриинсонӣ раво дида намешавад» вазорату идораҳои марбутаро ҳушдор дод.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






