Дарёфти 10 кило афюн аз Дилшод

Душанбе, 30 май. (АМИТ «Ховар», Мавҷуда Анварӣ). – Кормандони мақомоти ҳифзи ҳуқуқи кишвар дар ҳудуди ноҳияи Фирдавсии пойтахт зиёда аз 10 килограмм маводи нашъаоварро мусодира намуданд. Бино ба хабари маркази матбуоти ВКД ҶТ, кормандони он ҳангоми дар ҳудуди ноҳияи Фирдавсӣ анҷом додани амалиёти фаврӣ шаҳрванд Шералиев Дилшод Уроқовичи 37 сола, сокини кӯчаи Неъмат Қаробоевро дастгир намуданд. Ҳангоми тафтиш аз манзили истиқоматии номбурда борхалтаи дорои зиёда аз 10 килограмм маводи нашъаовари афюн пайдо гардид.Доир ба ин ҳодиса парвандаи ҷиноӣ оғоз гардида, тафтиш идома дорад.