Дарёфти қариб 7 кг маводи нашъадор дар пойтахт
Душанбе, 18 май. (АМИТ «Ховар», Мавҷуда Анварӣ). — 17 майи соли ҷорӣ аз ҷониби кормандони шӯъбаи махсуси раёсати мубориза бар зидди гардиши ғайриқонунии маводи нашъадори ВКД ҶТ дар кӯчаи Ҳофизи Шерозии пойтахт шаҳрванд Шавкат Мансурови 35 сола, сокини ноҳияи Ҳисор, кӯчаи Гидразол дастгир карда шуд.Тавре ки дар сомонаи расмии ВКД ҶТ хабар додаанд, ҳангоми тафтиши дастгиршуда аз борхалтаи ӯ 6 килою 996 грамм маводи нашъадори ҳашиш дарёфт ва мусодира карда шуд. Аз рӯи ин ҳодиса парвандаи ҷиноӣ оғоз гардида, тафтиш идома дорад.