Дастурдиии омӯзишӣ оид ба истифодабарии барномаи CensusInfo дар Тоҷикистон

Душанбе, 18 май. (АМИТ «Ховар», Покиза Маҳмадбекова). — Аз 14 то 18 май соли равон дар Агентии омор дастурдиҳии омӯзишӣ оид ба технологияи CensusInfo, ки аз тарафи шӯъбаи омори СММ, Хазинаи кӯдакони СММ ва Хазинаи нуфуси СММ бо мақсади дастгирии усули паҳнсозии иттилооти саршумори аҳолӣ бо истифодаи Интернет ва CD баргузор гардид.  Аз рӯи иттилоъи Агентии омори назди Ҳукумати Ҷумҳурии Тоҷикистон, омӯзиши мазкур дар чорчӯбаи ташаббуси Глобалии ворид намудани СensusInfo аз тарафи шӯъбаи омори СММ, Хазинаи кӯдакони СММ ва Хазинаи нуфуси СММ ташкил карда шуд. Намояндагии Хазинаи нуфуси аҳолии СММ дар Тоҷикистон барои мутахассисони Агентии омор дар бораи гузаронидани дастурдиҳӣ бо дастгирии молиявии иловагӣ пешниҳод намуд. Оид ба гузаронидани дастурдиҳӣ дар бораи СensusInfo байни Агентии омори назди Президенти Ҷумҳурии Тоҷикистон ва доктор Пол Чанг, Директори шӯъбаи омори СММ дар иҷлосияи 43-юми Комиссияи омори СММ, ки моҳи феврали соли 2012 дар НюЙорк баргузор гардид, гуфтушунид барпо шуда буд.Семинари мазкурро Ян Бейсе аз шӯъбаи омори СММ дар НюЙорк ва Камал Кумар Гаур аз гурӯҳи дастгирии DevInfo, Ню Дели, Ҳиндустон гузарониданд. Мақсади дастурдиҳӣ баланд бардоштани малакаи техникии зарурии кормандони агентӣ дар истифодаи технологияи CensusInfo барои паҳнкунии маълумотҳои барӯйхатгирии соли 2010 ва истифодабарии маълумотҳо барои банақшагирӣ ва қабули қарорҳо, ки бо далелҳо асоснок мешаванд, ба ҳисоб меравад.