Даври 8-ум: соҳибони майдон ғалаба карданд

Душанбе, 28 май. ( АМИТ «Ховар», Аловиддин Бӯриев).- Дар даври 8-уми чемпионати мамлакат байни дастаҳои лигаи олӣ танҳо дастаи «Зарафшон»-и Панҷакент дар майдони худ аз меҳмонаш «Регар- ТадАЗ» бо натиҷаи 4 бар 1 шикаст хӯрд. Дар дигар дидорҳои ин давр мизбонон нисбат ба меҳмонон бартарӣ нишон дода, ба пирӯзӣ комёб шуданд. «Ҳосилот» бар «Хуҷанд» бо ҳисоби 1 бар 0, «Истаравшан» бар «Вахш» бо натиҷаи 2 бар 1, Истиқлол» бар ССКА «Помир» бо ҳисоби 4 бар 1, «Энергетик» бар «Гвардия» бо натиҷаи 2 бар 0 ва «Равшан» бар «Парвоз» бо ҳисоби 1 бар 0 дастболо шуданд. Баъди ин давр «Истиқлол» ба зинаи сеюми ҷадвали мусобиқот баромад ва «Вахш» як зина поён рафт. Дар даври 9-ум маҳз вохӯрии «Вахш» ва «Истиқлол» дар варзишгоҳи «Пахтакор»-и шаҳри Қӯрғонтеппа дар ҷойгиршавии ин дастаҳо нуқтаи амиқ хоҳад гузошт.