Фабрика ба фаъолият шурӯъ кард

Кӯлоб, 10 май. (АМИТ «Ховар», С.Холов). – Фабрикаи паррандапарварии ноҳияи Мӯъминобод аз 4 майи соли ҷорӣ аз сари нав ба фаъолият шурӯъ кард. Дар айни ҳол ба фабрика 13 650 дона тухми мурғи гӯштӣ аз Ҷамъияти Саҳомии Пӯшидаи «Сомонфуд» — и Ҷумҳурии Исломии Эрон ворид шудааст.Рӯзҳои наздик боз 27 ҳазор дона тухми мурғ ба фабрика ворид мешавад, ки ин шумора метавонад истеҳсоли гӯштро дар корхона зиёд намояд. Баъди ба пуррагӣ ба кор даромадани корхона масъулин метавонанд истеҳсоли гӯшти парҳезии мурғро ба 500 тонна расонида, беш аз 100 нафар коргарро ба кор қабул намоянд.