Форуми ҳамкориҳои Чин ва Осиёи Марказӣ

Май 11, 2012 15:28

Душанбе, 11 май. (АМИТ «Ховар»).-Аз 7 то 9 майи соли ҷорӣ дар шаҳри Тунсяни вилояти Чжентсяни Ҷумҳурии Мардумии Чин Форуми ҳамкориҳои Чин ва панҷ кишвари Осиёи Марказӣ – Тоҷикистон, Қазоқистон, Қирғизистон, Туркманистон ва Ўзбекистон баргузор гардид. Ба ҷамъомад ходимони сиёсӣ, мутахассисони пешбар, олимону коршиносони риштаи бизнеси Чин ва кишварҳои Осиёи Марказӣ даъват шуда буданд.  Дар Форум аз Тоҷикистон собиқ Раиси Маҷлиси намояндагони Маҷлиси Олӣ С. Хайруллоев, собиқ вазири корҳои хориҷӣ Т. Назаров, сардори Ассотсиатсияи миллии сиёсатшиносони Тоҷикистон А. Мухаммадазимов ва намояндагони васоити ахбори умум иштирок доштанд. Форум таҳти шиори «Ҳамкориҳои эътимодомез ва тавсеаи муносибатҳои мутақобилан судманд» гузаронида шуда, дар барномаи он ҷаласаҳои умумии мизи мудаввар, семинарҳои мавзӯӣ ва мубоҳисаҳо доир гардиданд. Намояндагони Тоҷикистон доир ба дастовардҳо ва муносибатҳои байни Чину Тоҷикистон дар риштаҳои гуногун дар тўли 20 соли истиқлолият суханронӣ намуда, барои густариши ҳамкориҳо дар риштаи иқтисод, саноат, кишоварзӣ ва ғайра изҳори назар карданд. Ҳамчунин дар ҷамъомад атрофи Шоҳроҳи бузурги абрешим ва аҳамияти он дар минтақа табодули афкор ба миён омад.Хотиррасон гардид, ки ҳамкориҳои Чин ва панҷ кишвари Осиёи Марказӣ дорои дурнамои васеъ ва судманд буда, тарафайн омода ҳастанд, тодар густариши муносибатҳо ҳиссагузор бошанд. Форум барои таҳким ва густариши минбаъдаи робитаҳои гуногунсоҳа ва устувории эътимоди байни мардуми Чин ва панҷ кишвари Осиёи Марказӣ, ҳамчунин барои тақвияти минбаъдаи ҳамкориҳои мутақобилан судманд аҳамияти калон дорад.

Май 11, 2012 15:28

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд