Футбол. Лигаи олӣ

Душанбе, 14 май. ( АМИТ «Ховар», Аловиддин Бӯриев).- Шоми дирӯз даври шашуми бозиҳои чемпионати мамлакат байни дастаҳои лигаи олӣ ҷамъбаст шуд. Чемпиони соли гузашта “Истиқлол” дар майдони худ “Парвоз”-ро қабул карда, бо натиҷаи 1 бар 0 мағлуб кард. Дастаи “Регар- ТадАз” дар меҳмонӣ “Ҳосилот”-и Фархорро бо ҳисоби 2 бар 1 мағлуб намуда ва ғалабаи панҷуми пайдарпайи худро ба даст овард. Дар вохӯрии ҳассоси ин давр “Хуҷанд” дар майдони худ бо бартарии 1 бар 0 “Вахш”-ро шикаст дод. Дар ин давр «Равшан» бар «Энергетик» бо ҳисоби 2:0, «Хайр» бар «Гвардия» бо натиҷаи 2:1 ғалаба карданд. Вохӯрии «Зарафшон» бо ССКА «Помир» мусовӣ- 1:1 ҷамъбаст шуд.