Гоми азимест дар беҳбудии рӯзгори мардум

Хоруғ, 14 май. (АМИТ «Ховар», Л.Додо ). – Тавре ки Мирзоҷон Мирзоҷонов, муовини сардори раёсати молияи вилоят ба хабарнигори АМИТ «Ховар» иброз дошт, Паёми Президенти Тоҷикистон Эмомалӣ Раҳмон аз 20 – уми апрели соли 2012 гоми азимест дар беҳбудии рӯзгори меҳнаткашони ҷумҳурӣ. Ин ҳуҷҷат моро вазифадор намуд, ки аз 1- уми сентябри соли ҷорӣ маблағгузориро дар кулли ташкилоту муассисоти буҷавӣ бомаром таъмин намоем. Яъне, мо бояд ҳисоботи зиёдшавии музди меҳнати кормандони соҳаҳои иҷтимоиро тибқи нақшаву талабот аниқ муайян карда, лоиҳаи буҷавиро дар соли 2013 дуруст роҳандозӣ намоем, -гуфт номбурда.