Гул Шералӣ бо Лутаф Касам вохӯрд

Май 3, 2012 15:47

Душанбе, 3 май. (АМИТ «Ховар», Дилшодаи Хайруллоҳ). — Имрӯз дар Вазорати энергетика ва саноати Ҷумҳурии Тоҷикистон мулоқоти вазири энергетика ва саноати ҷумҳурӣ Гул Шералӣ бо коршиносони Фонди Оғохон доир ба рушди иқтисодӣ ( AKFED) бо роҳбарии Лутаф Касам- мудири бахши иқтисодии Фонди Оғохон баргузор гардид. Вазири энергетика ва саноати Ҷумҳурии Тоҷикистон Гул Шералӣ доир ба саҳми Ҳукумати Ҷумҳурии Тоҷикистон ва вазорат дар ҳамкорӣ бо сармоягузорон ва ширкатҳои хориҷӣ дар соҳаи энергетика дар ВМБК, аз ҷумла сохтмони НБО –ҳои Ширк 1, Ширк 2, Бартанг, ҳамчунин нерӯгоҳҳои барқии обии дарназардошташуда – Ванҷу Мурғоб ибрози назар намуд. Инчунин имконияти ба роҳ мондани корҳо вобаста ба асосноккунии техникию иқтисодии НБО-ҳои Санобод, Себзор, сохтмони хатҳои интиқоли барқ дар минтақаҳои дурдасти кӯҳистон мувофиқи мақсад ҳисобида шуд. Тавре ки зикр гардид, татбиқи лоиҳаҳои мазкур барои таъмини қисмати зиёди Бадахшони Тоҷикистону Афғонистон, рушди соҳаи саноати ин минтақаҳо, бахусус маъдан ва таъмини аҳолии ин минтақаҳо бо ҷои кор мусоидат хоҳад кард.Лутаф Касам иброз дошт, ки имконияти татбиқи лоиҳаҳои мазкур мавриди омӯзиш қарор дода шуда, Фонди Оғохон густариши ҳамкориҳоро дар бахшҳои мазкур мувофиқи мақсад арзёбӣ намуд. Ҷонибҳо аз натиҷаҳои ҳамкорӣ изҳори қаноатмандӣ намуда, ҳамчунин иброз доштанд, ки ҳамкориҳои дуҷониба дар бахшҳои саноатӣ минбаъд густариш хоҳанд ёфт. Дар ин бора ба мухбири АМИТ «Ховар» аз котиботи Вазорати энергетика ва саноати Ҷумҳурии Тоҷикистон иттилоъ доданд.

Май 3, 2012 15:47

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд