Иштирокчии марафон ҳалок шуд

Душанбе, 22 май. ( АМИТ «Ховар», Аловиддин Бӯриев).- Дар Рига яке аз иштирокчиёни марафони Nordea, ки рӯзи 21 –май барпо гардид, дар беморхона ба ҳалокат расид. Тавре ки DELFI менависад, ин иштирокчии марафон масофаи 21 километрро давида, дар як маврид худро бад ҳис кардааст ва аз пой афтидааст. Духтурон ӯро ба беморхона овардаанд, вале аз марг раҳо карда натавонистаанд.Дар бораи ин мард ҳамин қадар маълум аст, ки ӯ шаҳрванди кишвари беруна аст. Чунин ҳолат дар соли 2011 ҳам рух дода буд. Шаҳрванди 60- солаи Шветсия дар ҷараёни марафон ба ҳалокат расид. Ҳокими Рига низ дар он марафон бо ҳолати бади саломатӣ ба беморхона оварда шуда буд.Дар марафон 18 000 нафар иштирок карданд ва Курган Титус Кипковир аз Кения ва Ираида Александрова аз Русия дар он дав ғолиб омаданд.