Кӯмаки Ҷопон ба бахши тандурустии Хатлон
Душанбе, 16 май. (АМИТ «Ховар», Дилшодаи Хайруллоҳ).- 15 майи соли равон Котиби саввуми Сафорати Ҷопон Такааки Коматсу ва раиси ноҳияи Панҷи вилояти Хатлон Абдуҷон Таваккалов дар маросими ифтитоҳи шӯъбаи таваллуди беморхонаи Маркази ноҳияи Панҷ ширкат варзиданд. Лоиҳаи муҷаҳҳазгардонии шӯъбаи мазкури беморхонаи марказии ноҳияи Панҷ бо таҷҳизоти тиббӣ ба маблағи умумии 105,772 доллари ИМА, ки аз тарафи Ҳукумати Ҷопон дар чаҳорчӯбаи кӯмакҳои бебозгашти лоиҳаҳои амнияти башарӣ барои бахши аъзами аҳолӣ маблағгузорӣ шуда буд, муваффақона ба итмом расид.Беморхонаи марказӣ, ки солҳои 1977 сохта шудааст, барои расонидани хизмати тиббӣ ба аҳолии ноҳияи Панҷ вазифаи муҳимро иҷро менамояд. Аз замони сохтани беморхона таҷҳизоти тиббии шӯъбаи таваллуд иваз нашудааст. Тавассути таҷҳизоти фарсуда ва ғайрисанитарӣ ба тифлони навзод ва модарони онҳо хизматрасонии мувофиқ хеле мушкил буд. Махсусан дар ҳолатҳои таваллуди пеш аз мӯҳлат имконияти беморхонаи марказӣ ҷиҳати ташхиси дуруст ва табобати босифат хеле норасо буд.Дар чаҳорчӯбаи лоиҳаи мазкур шӯъбаи таваллуд бо таҷҳизоти замонавии тиббӣ, мисли дастгоҳҳои нафасдиҳандаи сунъии шуш, дастгоҳи обияткаши ҷарроҳӣ, ҷевони ҳавохушккунак ва дигар таҷҳизоти тиббӣ, ки барои табобати дуруст ва хизматрасонии тиббӣ лозиманд, муҷҷаҳаз гардонида шуд.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






