Кӯмаки энергетикҳо ба собиқадорон
Душанбе, 4 май. (АМИТ «Ховар», Дилшодаи Хайруллоҳ).-Вазорати энергетика ва саноати Ҷумҳурии Тоҷикистон ҷиҳати иҷрои Амри Президенти Ҷумҳурии Тоҷикистон аз 12.01.2008 № АП-467 ҷиҳати расонидани кӯмаки доимии моддию молиявӣ ба маъюбону пиронсолон, иштирокчиёни Ҷанги Бузурги Ватанӣ, оилаҳои камбизоат, хона-интернатҳо ва муассисаҳои иҷтимоӣ барои расонидани кӯмакҳои моддӣ мунтазам мусоидат менамояд. Ба муносибати Рӯзи ғалаба дар Ҷанги Бузурги Ватанӣ ба собиқадорони ҷангу меҳнат ва ҷанговарони башардӯст, ки ҳамчунин дар соҳаи саноат ва энергетика фаъолона саҳм гирифтаанд, кӯмаки молиявӣ расонида шуд. Мавриди тазаккур аст, ки Вазорати энергетика ва саноати Ҷумҳурии Тоҷикистон дар доираи татбиқи дастуру супоришҳои Ҳукумати Ҷумҳурии Тоҷикистон ҷиҳати расонидани кӯмаки доимии моддию молиявӣ ба маъюбону пиронсолон, иштирокчиёни Ҷанги Бузурги Ватанӣ, оилаҳои камбизоат, хона-интернатҳо ва муассисаҳои иҷтимоӣ, ҳамчунин ба шахсони дигари ниёзманд мунтазам кӯмак мерасонад.Дар ин бора аз котиботи вазорати энергетика ва саноати Ҷумҳурии Тоҷикистон ба мо иттилоъ доданд.
8 июл дар якчанд вазорату идора нишасти матбуотӣ баргузор мешавад
Имрӯз дар шаҳри Душанбе ҳаво то 38 дараҷа гарм мешавад
Навгониҳои электронӣ дар самти рақамикунонии хизматрасониҳои андоз муаррифӣ гардид
Имсол Рӯзҳои фарҳанги Ҷумҳурии Тоҷикистон дар Узбекистон, Давлати Қатар, Беларус ва Қирғизистон доир гардиданд
Имрӯз дар водиҳои Тоҷикистон ҳаво то 38 дараҷа гарм мешавад
СОЛИ ОБОДОНИЮ СОЗАНДАГӢ. Дар муассисаҳои таълимии шаҳри Панҷакент бино ва синфхонаҳои иловагӣ сохта мешавад
Имрӯз дар водиҳои Тоҷикистон ҳаво то 39 дараҷа гарм мешавад
250 кӯдак дар «Чангоб» ба истироҳат фаро гирифта шуданд
