Конфедератсияи футболи Осиё аз Душанбе миннатдор аст

Душанбе, 18 май. ( АМИТ «Ховар», Аловиддин Бӯриев).- Конфедератсияи футболи Осиё барои ба дараҷаи баланд гузаронидани марҳилаи аввали «Ҷоми президенти КФО» дар шаҳри Душанбе бо ширкати дастаҳои гурӯҳи «С», ки аз 5 то 9 май доир гардид, миннатдории худро ба Федератсияи футболи Тоҷикистон баён кардааст.Ҷаноби Дато Алекса Сусея, дабири кулли ин ташкилот дастаи «Истиқлол»-ро бо комёбиаш табрик карда, арз кардааст, ки ФФТ метавонад ташкили ҳама гуна мусобиқоти байналмилалиро дар сатҳи олӣ барпо намояд. Аз ин рӯ КФО минбаъд дар гузаронидани чорабиниҳо дар сатҳи Осиё бештар ҳамкорӣ хоҳад намуд.