Конфронси пурмӯҳтаво

Хоруғ, 14 май. (АМИТ «Ховар», Л.Додо ). – Дар мактаби рақами 1 – и ноҳияи Шуғнон ба истиқболи 100 – солагии шоири соҳибдевон Тилло Пӯлодӣ конфронси хонандагон баргузор гардид. Омӯзгорони фанни адабиёти мактаб дар мавзӯъҳои «Тараннуми некӯӣ дар ашъори Тилло Пӯлодӣ» ва «Тарбияи фарзанд дар ашъори Тилло Пӯлодӣ» сухан ронда, ёдовар шуданд, ки устод солҳои тӯлонӣ дар Донишкадаи педагогии шаҳри Душанбе ба донишҷӯён дарс гуфтааст. Хонандагони мактаб аз эҷодиёти пурмӯҳтавои шоир порчаҳои шеър қироат намуданд.