Кони ояндадори «Пакрут» дар Ваҳдат
Душанбе, 17 май. (АМИТ «Ховар», Лаззат Диловарзод).- Бино ба иттилои саргеологи Ҷамъияти дорои масъулияташ маҳдуд (ҶДММ)-и «Пакрут»-и ноҳияи Ваҳдат Мирмуҳаммд Умаров, кони мазкур миёни садҳо кони тиллои ҷаҳони муосир ба худ ҳамто надорад. Он ояндадортарин кон маҳсуб меёбад. Дар таркиби 1 тонна маъдани кони мазкур то 4,5 грамм тилло мавҷуд аст. Ин дар ҳолест, ки дар миқёси ҷаҳон дар таркиби 1 тонна маъдан мавҷуд будани 0,8 грамм тилло аз конҳои ояндадор маҳсуб меёбад.Баъди эълони тендер оид ба дастрас намудани иҷозатнома (литсензия) яке аз ширкатҳои бритонёӣ бо номи «Kruso Resources» ғолиб омада, барои фаолияти 18-сола (2012-2030) дар ин кон иҷозатнома гирифт. Ширкати бритонёӣ барои ҳамкорӣ бо ширкати ватании ҶДММ «Пакрут» шартнома ба имзо расонид.Бино ба гуфти М. Умаров, барои ба роҳ мондани фаъолият айни замон 108 млн. доллар маблағгузорӣ намудан зарур аст.Дар сурати боқӣ мондани нархи тилло дар сатҳи 1 ҳазору 250 доллар барои як унсия (29,86 грамм) корхона дар зарфи 2,5 — 3 сол маблағи сарфшударо ба даст оварда, дар давоми 15 соли боқимондаи шартнома танҳо бо фоида кор мекунад.Кони «Пакрут» дуюмин кони тиллоест, ки ширкатҳои бритонёи тавассути тендер иҷозатнома (литсензия) ба даст овардаанд.
Имрӯз дар шаҳри Душанбе борон меборад
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Имрӯз дар якчанд вазорату идораҳо нишастҳои матбуотӣ баргузор мегарданд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар Тоҷикистон бориши борон ва барф пешгӯӣ мешавад
