Кор дар нақби «Чормағзак» суръат мегирад

Душанбе, 2 май. (АМИТ «Ховар», Кристина Эрлих). – Бинокорони нақби «Чормағзак» бояд боз масофаи 1 ҳазору 700 метрро парма кунанд. Аз оғози сол то имрӯз масофаи 830 метр парма ва 799 метр бетонрезӣ шудааст. Аз оғози татбиқи лоиҳа дар ин ҷо масофаи 2 ҳазору 730 метр пармакорӣ ва 2 ҳазору 360 метр бетонрезӣ шудааст. Дар ҳоли ҳозир пармакорию бетонрезӣ мувофиқи нақша сурат мегирад.Қобили зикр аст, ки баъди ба истифода додани нақби «Чормағзак» масофаи роҳи мошингарди Душанбе — Ваҳдат — Кӯлоб нисбат ба масофаи роҳи мошингарди Душанбе — Қӯрғонтеппа — Кӯлоб баробари 100 километр кӯтоҳ мегардад. Мувофиқи нақша масофаи умумии нақб 4 ҳазору 430 метрро ташкил медиҳад. Ин лоиҳа аз ҳисоби маблағҳои қарзии ҳукумати Чин дар амал татбиқ мешавад.