Лигаи якум: «Панҷшер» -у «Ситора» ҳамоно пешсаф

Душанбе, 30 май. ( АМИТ «Ховар», Аловиддин Бӯриев).- Вохӯриҳои даври 9-уми чемпионати мамлакат байни дастаҳои лигаи якум рӯзҳои 27-ум ва 28-уми май баргузор шуданд. Чун солҳои пешин ба бозиҳо ҳозир нашудани дастаҳо ба чашм мерасад. Дастаи СКИФ-и Душанбе, ки бо “Ҳулбук” бозӣ дошт, ба ин вохӯрӣ ҳозир нашуд ва соҳибони майдон бо ғалабаи техникӣ соҳиби се имтиёз шуданд. Пешсафи ҷадвали мусобиқа “Панҷшер” дар меҳмонӣ “Пахтакор”-и Қабодиёнро бо натиҷаи 3 бар 1 шикаст дод. “Ситора”-и Рӯдакӣ ,ки бо “Панҷшер” 21 имтиёзӣ доранд, дар майдони худ “Самар”-и Восеъро бо натиҷаи 2 бар 0 ба мағлубият рӯ ба рӯ кард. Бозиҳои боқимонда чунин ҷамъбаст шуданд:«Бохтар» (Бохтар) — «Кӯктош» (Рӯдакӣ) — 0:0 «Барқ» (Норак) — “Саройкамар” (Панҷ) – 2:4“Файзобод» (Файзобод) — «Локомотив» (Душанбе) – 0:1«Пахтакор» (Қабодиён) — «Панҷшер» (Румӣ) — 1:3