Мӯҳлати манъи содироти пӯст дароз карда мешавад
Душанбе, 23 май. (АМИТ «Ховар», Кристина Эрлих). – Тавре ки аз Вазорати энергетика ва саноати ҶТ ба мухбири АМИТ «Ховар» хабар доданд, Вазорати энергетика ва саноат як қатор ҳуҷҷатҳоро дар мавриди дароз намудани мӯҳлати манъи содироти пӯст манзури Ҳукумати Ҷумҳурии Тоҷикистон намуд. Дар Тоҷикистон манъи содироти пӯст ҷорӣ гардида буд, вале моҳи июни соли равон мӯҳлати эътибори он анҷом меёбад. Дар робита бо ин бояд мӯҳлати эътибори манъи содироти пӯст дароз карда шавад. Ҳуҷҷатҳое, ки манзури Ҳукумати ҶТ шудаанд, пеш аз тасдиқ гардиданашон аз ҷониби вазорату идораҳои дахлдори кишвар мавриди баррасӣ қарор мегиранд. Зиёда аз ин, коркарди пурраи пӯст дар дохили кишвар ба роҳ монда мешавад. Қобили зикр аст, ки алҳол дар ҷумҳурӣ марҳалаи аввали коркарди пӯст бо усули ветблю ва пикел роҳандозӣ мешавад. Ба туфайли барномаи давлатӣ оид ба коркарди пӯст дар Тоҷикистон корхонаҳое ба кор даромаданд, ки аз ин пеш фаъолияташон қатъ шуда буд. Ҳамчунин ду корхонаи нави коркарди пӯст ва як корхонаи коркарди пашм мавриди истифода қарор гирифтаанд.
Имрӯз дар шаҳри Душанбе борон меборад
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Имрӯз дар якчанд вазорату идораҳо нишастҳои матбуотӣ баргузор мегарданд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар Тоҷикистон бориши борон ва барф пешгӯӣ мешавад
