Маълумоти фаврии Кумитаи ҳолатҳои фавқулодда
Душанбе, 15 май. (АМИТ «Ховар», Лутфия Эшонқулова).- Дар натиҷаи боридани борони пуршиддат 14-15 май дар ноҳияи Данғара сел омада, дар самти шоҳроҳи Кӯлоб — Данғара — Душанбе, дар км 78-уми байни ҷамоати деҳоти Ёхсу ва Себистон обу лойқа аз доманакӯҳҳо фаромада, қисмати шоҳроҳи мазкурро ба масофаи 60 метр ба чуқурии 15 метр шуста корношоям гардонидааст. Тавре ки ба АМИТ «Ховар» аз маркази матбуоти Кумитаи ҳолатҳои фавқулодда ва мудофиаи граждании назди Ҳукумати ҶТ хабар доданд, барои бартараф намудани оқибати офати табиӣ ва барқарор намудани қисмати корношоями ин шоҳроҳ ташкилотҳои чиноии сохтмони роҳҳо ва пулҳо, ки дар ноҳияи Данғара фаъолият доранд ва ин қисмати роҳ ба онҳо вобастагӣ дорад, сафарбар шуданд. Мувофиқи маълумоти комиссияи ҳолатҳои фавқулоддаи ноҳия дар натиҷаи заминҷунбии рӯзи 13 май дар деҳаи Хамдараи ҷамоати деҳоти Чилдараи ноҳияи Тавилдара 8 хоҷагӣ пурра ва 9 хоҷагӣ қисман зарар диданд, дар деҳаи Чашмаи Кабуд 9 хоҷагӣ пурра хароб гардида, 7 хоҷагии дигар қисман зарар дидаанд, дар деҳаи Гирдоб 7 хоҷагӣ пурра ва 4 хоҷагӣ қисман зарар дидаанд, дар деҳаи Руботнол 17 хона пурра, 19 хона қисман, дар деҳаи Руботноли Ғарибон 6 хона пурра, 7 хона қисман, дар деҳаи Шур 2 хона пурра, 11 хона қисман хароб гардида, талафоти ҷонӣ ба қайд гирифта нашудааст.Дар мавқеи офат комиссияи ҳолатҳои фавқулоддаи ноҳия фаъолият дорад ва маълумоти иловагӣ пешниҳод мешавад.








МегаФон Тоҷикистон: МегаҚувва гигабайтҳоро дучанд менамояд
Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад






