Марги нобаҳангоми Худойназар Боқиев
Душанбе, 31 май. ( АМИТ «Ховар», Аловиддин Бӯриев).- Худойназар Боқиев, паҳлавони маъруф, устоди варзиши Иттиҳоди Шӯравӣ, мураббии шоистаи Тоҷикистон баъд аз бемории тӯлонӣ 30-юми май дар синни 61-солагӣ бар асари сактаи дил дар ноҳияи Рӯдакӣ бо ин ҷаҳон падруд гуфт. Худойназар Боқиев дар навъҳои гуштии миллӣ, самбо ва дзюдо борҳо қаҳрамони Тоҷикистон гашта, дар замони шӯравӣ дар мусобиқоти гуногуни умумииттифоқӣ ба пирӯзӣ комёб шудааст. Ӯ ҳамчун мураббии гӯштӣ дар тарбияи шогирдон хидмати арзанда карда, паҳлавонони шӯҳратёрро ба воя расонидааст. Писаронаш Алишер, Ҳаким, Рустам, Расул ва Акбар орзую омоли ӯро дар мусобиқоти байналмилалӣ амалӣ карда, барои боло бурдани обрӯю нуфузи Тоҷикистон дар арсаи байналмилалӣ хизмати арзанда кардаанд. Алишер дар риштаи дзюдо барандаи медали нуқраи мусобиқаи қаҳрамонии Осиё гардида, Рустаму Расул қаҳрамонҳои ҷаҳон дар навъи гӯштии кураш ва ғолиби Бозиҳои панҷуми Осиёи Марказӣ доир ба дзюдо шудаанд.Расул инчунин ба Тоҷикистони соҳибистиқлол аввалин медали олимпиро дар риштаи дзюдо соли 2008-ум аз Пекин овардааст.Худойназар Боқиев чун устоди асили гӯштӣ, инсони хоксору адолатхоҳ ва ватанпарвар дар ёдҳо боқӣ хоҳад монд.
Имрӯз дар Тоҷикистон борони кӯтоҳмуддат меборад
ОМОДАГӢ БА ЗИМИСТОН. Иншооти соҳаҳои маориф ва тандурустии шаҳри Роғун бо ангишт, ҳезум ва сӯзишворӣ таъмин мебошанд
Дар Данғара даври ноҳиявии Озмуни ҷумҳуриявии «Беҳтарин хизматчии давлатӣ аз ҳисоби занон» доир гардид
Дар шаҳри Гулистон иншооти нави иҷтимоӣ ба истифода дода шуд
Имрӯз мардуми Мамлакати Шоҳигарии Арабистони Саудӣ 96-солагии ҷашни миллияшонро таҷлил менамоянд
Аз 23 то 25 сентябр дар баъзе минтақаҳои Тоҷикистон омадани сел пешгӯӣ мешавад
Тоҷикистон пас аз рӯзи сеюми Бозиҳои Осиёӣ-2026 дар ҷадвали медалҳо дар зинаи ҳафтум қарор дорад
Дар Тоҷикистон беш аз 800 ҳазор тонна зироати ғалладонагӣ ҷамъоварӣ шудааст
Ҷаласаи Комиссияи Озмуни ҷумҳуриявии «Донандаи беҳтарини асарҳои Пешвои миллат» доир шуд
