Масоили шиканҷа мавриди баррасӣ қарор гирифт
Душанбе, 11 май. (АМИТ «Ховар», Лутфия Эшонқулова).- 10 май вазири корҳои дохилӣ Рамазон Раҳимов бо гузоришгари махсуси СММ доир ба масоили шиканҷа Хуан Мендез вохӯрӣ доир намуд. Дар ҷараёни вохӯрӣ Рамазон Раҳимов доир ба сиёсати давлати Тоҷикистон ҷиҳати такмил додани қонунгузорӣ ва расмиёти мавҷуда, ки ба ҳифзи ҳуқуқ ва шаъну шарафи инсон равона шудаанд, муфассал сухан гуфт. Вазир иброз намуд, ки онҳо мушкилоти мавҷударо дар ҳамбастагӣ бартараф намуда, минбаъд низ фаъолиятро мутобиқи меъёрҳои байналмилалӣ ба роҳ хоҳанд монд. Рамазон Раҳимов аз ҷумла қайд кард, ки дар Тоҷикистон аз ҷойҳои нигоҳдории шахсони дар ҳабс буда, ки ҷиноят содир кардаанд, дар системаи Вазорати корҳои дохилӣ танҳо Маҳкамаи нигоҳдории муваққатӣ ва ҳабсшудагон (ИВС) боқӣ мондааст.Бояд зикр кард, ки 10 декабри соли 1948 Ассамблеяи СММ Конвенсия ба муқобили шиканҷаро қабул кард ва Ҷумҳурии Тоҷикистон ин Конвенсияро соли 1995 тасдиқ намудааст. Баъди тасдиқ Конвенсияи мазкур дар қонунгузории миллии Ҷумҳурии Тоҷикистон ифодаи худро ёфт. Дар айни замон қонунгузории Тоҷикистон пешгирии шиканҷаро кафолат медиҳад.
Имрӯз дар Тоҷикистон борони кӯтоҳмуддат меборад
ОМОДАГӢ БА ЗИМИСТОН. Иншооти соҳаҳои маориф ва тандурустии шаҳри Роғун бо ангишт, ҳезум ва сӯзишворӣ таъмин мебошанд
Дар Данғара даври ноҳиявии Озмуни ҷумҳуриявии «Беҳтарин хизматчии давлатӣ аз ҳисоби занон» доир гардид
Дар шаҳри Гулистон иншооти нави иҷтимоӣ ба истифода дода шуд
Имрӯз мардуми Мамлакати Шоҳигарии Арабистони Саудӣ 96-солагии ҷашни миллияшонро таҷлил менамоянд
Аз 23 то 25 сентябр дар баъзе минтақаҳои Тоҷикистон омадани сел пешгӯӣ мешавад
Тоҷикистон пас аз рӯзи сеюми Бозиҳои Осиёӣ-2026 дар ҷадвали медалҳо дар зинаи ҳафтум қарор дорад
Дар Тоҷикистон беш аз 800 ҳазор тонна зироати ғалладонагӣ ҷамъоварӣ шудааст
Ҷаласаи Комиссияи Озмуни ҷумҳуриявии «Донандаи беҳтарини асарҳои Пешвои миллат» доир шуд
