Медали нуқра аз Ҳиндустон
Душанбе, 31 май. ( АМИТ «Ховар», Аловиддин Бӯриев).- Дар мусобиқаи паҳлавонии гӯштии тарзи озод барои Шоҳҷоиза дар Ҳиндустон ба Фарҳод Анақулов дар вазни 96 кг муяссар шуд,ки соҳиби медали биринҷӣ гардад. Дар мусобиқа варзишгарон аз 30 давлати ҷаҳон ширкат карданд. Дар ҳайати дастаи Тоҷикистон ҳамчунин Вайсиддин Ибодов (55 кг), Фарҳоди Усмонзода (60 кг), Фирӯзҷон Абдусамадов (66 кг), Сомиршо Воҳидов (74 кг) ва Салим Хоҷаев (84 кг) иштирок карданд. Гӯштигирони наврас акнун дар чемпионати Осиё, ки аз 3-юм то 5 –уми июн дар Алмаато мегузарад, ширкат хоҳанд кард.