Медали нуқраи Айёмиддин аз Боку
Душанбе, 18 май. ( АМИТ «Ховар», Аловиддин Бӯриев).- Бахшида ба 85-солагии Ҳайдар Алиев, президенти собиқи Озарбойҷон дар шаҳри Боку мусобиқаи байналмилалӣ доир ба муҳорибаи универсалӣ барпо гардид, ки дар қатори варзишгарони кишварҳои Русия, Нигерия, Гурҷистон, Туркия, Эрон ва Ӯзбекистон варзишгарони Тоҷикистон ҳам ширкат карданд. Айёмиддини Маҳмадраҷаб муваффақ шуд, ки дар вазни 60 кг сазовори мақоми дуввуми ифтихорӣ шавад. Дар ҷамъбасти даставӣ соҳибони майдон варзишгарони Озарбойҷон бо 11 медали тилло соҳиби ҷои аввал шуданд.