«Милан» бо «Реал» ва «Челси» қувва меозмояд

Душанбе, 24 май. ( АМИТ «Ховар», Аловиддин Бӯриев).- Клуби футболи Италия «Милан» вохӯрии таҷрибавӣ ва дӯстонаи худро бо ғолиби Лигаи чемпионҳои Аврупо «Челси» ва чемпиони Испания «Реал»-и Мадрид дар марҳилаи омодагӣ ба мавсими нав дар Амрико барпо хоҳад кард. Дар ин бора директори клуби «Милан» Умберто Гандини хабар додааст. Бо «Челси» клуби итолиёӣ дар Майами рӯзи 28 июл бозӣ карда, бо «Реал» рӯзи 8 август дар Ню-Йорк рақобат хоҳад намуд. «Милан» дар чемпионати Италия дар мавсими 2011/12 мақоми дуввумро касб кард ва дар бозиҳои лигаи чемпионҳо дар 1/4 финал аз дастаи Барселона мағлуб шуд.