Моҳвораи Ҳилоли Аҳмар дар Суғд

Душанбе, 3 май. (АМИТ «Ховар», Бекназари Абӯбакр). — Бо мақсади тарғиби ҳуқуқи башардӯстии байналмилалӣ, принсипҳои бунёдии Ҳаракати байналмилалии Салиби Сурх ва Ҳилоли Аҳмар ҳамасола моҳи май дар вилояти Суғд маҳвораи Ҳилоли Аҳмар гузаронида мешавад. Дар ин хусус 30 апрели соли равон қарори раиси вилоят ба имзо расид.Аз хадамоти матбуоти раиси вилояти Суғд ба АМИТ «Ховар» иттилоъ доданд, ки мутобиқи қарор баргузор намудани сӯҳбату вохӯриҳо бо собиқадорон ва шарикони Ҷамъияти Ҳилоли Аҳмари Тоҷикистон, 4 майи соли равон аксия- консерт бахшида ба Рӯзи байналмилалии Ҳаракати байналмилалии Салиби Сурх ва Ҳилоли Аҳмар дар боғи фарҳангию фароғатии ба номи Камоли Хуҷандӣ ва гузаронидани мусобиқаҳои варзишӣ байни ташкилотҳои ибтидоӣ ва бахшҳои шаҳриву ноҳиявӣ дар давоми моҳ тарҳрезӣ шудааст.