Муҳокимаи масъалаҳои беҳдошти вазъияти муҳоҷирон

Душанбе, 8 май. (АМИТ «Ховар», Лутфия Эшонқулова). – Дар ҳошияи лоиҳаи барномаи МАТRА намояндагони созмони ҷамъиятии минтақавии «Ҷамъияти донишҷӯёни Тоҷикистон дар Санкт – Петербург» аз 20 апрел то 5 май дар шаҳри Душанбе буданд.Тавре роҳбари созмони мазкур Фаррух Сатторов ба АМИТ «Ховар» хабар дод, мақсад аз ин сафар омӯхтани вазъи бозори меҳнат, дурнамои муҳоҷирати меҳнатӣ, ҳамчунин анҷом додани мулоқот бо намояндагони созмонҳои давлатию ҷамъиятии ҷумҳурӣ буд.Мувофиқи суханони Ф.Сатторов, бо иштироки намояндагони Хадамоти муҳоҷират ва Созмони байналмилалии муҳоҷират дар мактаби миёнаи № 42 ноҳияи Фирдавсии шаҳри Душанбе иҷлосияи иттилоотӣ баргузор гардида, дар ҷараёни он хонандагони синфҳои 9, 10 ва 11 дар бораи муҳоҷирати меҳнатӣ ва ҳифзи ҳуқуқҳои муҳоҷирон маълумоти муфид гирифтанд.