Мубориза барои медали тиллои чемпионати ҷаҳон

Душанбе, 17 май. ( АМИТ «Ховар», Аловиддин Бӯриев).- Мавзуна Чориева дар ҳар даври навбатии чемпионати ҷаҳон доир ба бокс, ки дар Чин идома дорад, ҳарифони худро ба мағлубият рӯ ба рӯ карда, баҳри пирӯзии комил дар вазни то 60 кг қадам ба қадам ба пеш меравад. Дар даври якҳаштниҳоӣ муштзани мо, ки аллакай соҳиби роҳхат ба олипиадаи Лондон-2012 гардидааст, дар даври чорякниҳоӣ бо Эстелле Моссели (Фаронса) вохӯрда, бо натиҷаи 20 бар 12 пирӯз шуд ва ба нимфинал баромад. Ин маънои онро дорад, ки аллакай Мавзуна соҳиби медали биринҷӣ гардидааст.Дар даври ниманиҳоӣ, ки рӯзи 18-уми май барпо мегардад, Мавзуна бо муштзани ирландӣ Кэти Тейлор, чемпионкаи ҷаҳон дар ин вазн қувва меозмояд. Дар сурати ғалаба дар ин вохӯрӣ Мавзуна барои медали тилло ва унвони чемпионӣ бо ғолиби ҷуфти Софя Очигава аз Русия ва Наташа Ҷонас аз Британияи Кабир рақобат хоҳад кард.