Мубориза вусъат меёбад
Душанбе, 14 май. (АМИТ «Ховар», Ҳотам Рабиев).-Имрўзҳо мо баҳри тамоман несту нобуд кардани малах тамоми чораҳоро андешида, бар зидди ин офати табиӣ муборизаи беамон бурда истодаем, иброз дошт ба хабарнигори АМИТ «Ховар» сармутахассиси Корхонаи мубориза бар зидди малахи шаҳри Турсунзода Сайдалӣ Холматов. Мутаассифона, имсол ҳам дар мавзеъҳои Чӯпоншаҳид, Найза, Лолабулоқ, Боғи ҷидда, ҳамвории Қурбоналӣ, ки чарогоҳҳои чорводорони хоҷагиҳои шаҳри Турсунзода маҳсуб мешаванду дар ҳудуди ноҳияи Шаҳритӯз ҷойгиранд, дар масоҳати 3200 гектар паҳншавии малах мушоҳида гардид. Ҳамчунин дар масоҳати 880 гектар дар мавзеъҳои Хум, Қаротоғ, Говмеш низ малах пайдо гардидааст. Алҳол 57 нафар бо маводи лозимӣ, либосҳои махсус мусаллаҳ буда, баҳри нест кардани малах мубориза мебарад. Дар ин самт ба воситаи зиёда аз 50 дорупошаки дастӣ, 2 0ВТ, 1 адад дорупошаки ОВХ – 28 ва 2 мошинаи обкаш бар зидди малах мубориза бурда мешавад. Ҳоло дар масоҳати 930 гектар коркарди кимиёвӣ гузаронида шудааст. Ёдовар мешавем, ки малахи марокашӣ чун офат чанд соли охир дар фасли баҳор пайдо гардида, ба деҳқонону чорводорон зиёни калони моддӣ мерасонад.
Имрӯз дар шаҳри Душанбе борон меборад
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Имрӯз дар якчанд вазорату идораҳо нишастҳои матбуотӣ баргузор мегарданд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар Тоҷикистон бориши борон ва барф пешгӯӣ мешавад
