Мулоқоти М. Убайдуллоев бо П. Зверев

Душанбе,11 май.(АМИТ «Ховар», Марзия Саидова).-Раиси Маҷлиси миллии Маҷлиси Олии ҷумҳурӣ Маҳмадсаид Убайдуллоев 11 май Пётр Зверев, котиби масъули Ассамблеяи байнипарлумонии Иттиҳоди иқтисодии АвруОсиёро, ки бо сафари корӣ дар Душанбе қарор дорад, ба ҳузур пазируфт. Тибқи иттилои Шавкат Саидов, ёвари раиси Маҷлиси миллӣ дар мулоқот мусоҳибон масъалаҳои марбут ба ҷаласаи қарибулвуқўи Ассамблеяи байнипарлумонии Иттиҳоди иқтисодииАвруОсиёро, ки 16 майи соли равон дар шаҳри Санкт-Петербурги Русия баргузор мегардад, матраҳ намуданд. Ҷонибҳо зикр карданд, ки баргузории ҷаласаи Ассамблеяи байнипарлумонии Иттиҳоди иқтисодии АвруОсиё ба таҳкими минбаъдаи ҳамкориҳои кишварҳои узви ин ниҳоди мўътабар муосидат менамояд. Мавриди зикр аст, ки дар кори ҷаласаи навбатии Ассамблеяи байнипарлумонии Иттиҳоди иқтисодии АвруОсиё ҳайати парлумонии Тоҷикистон таҳти роҳбарии Маҳмадсаид Убайдуллоев, раиси палатаи болоии парлумони мамлакат ширкат менамояд.16.53.