Мулоқоти роҳбарони идораҳои назорати маводи нашъаовар
Душанбе, 31 май. (АМИТ «Ховар», Лутфия Эшонқулова). – Имрӯз, 31 май, дар шаҳри Душанбе мулоқоти сеҷонибаи роҳбарони идораҳои назорати маводи нашъаовари Тоҷикистон, Афғонистон ва Қирғизистон оғоз ёфт.Дар мулоқот ҳайати Раёсати СММ оид ба маводи нашъаовар ва ҷинояткорӣ бо роҳбарии муовини Муншии умумии СММ, директори иҷроияи Раёсати СММ оид ба маводи нашъаовар ва ҷинояткорӣ Юрий Федотов, намояндагони Маркази минтақавии иттилоотию ҳамоҳангсозии Осиёи Марказӣ иштирок доранд. Директори Агентии назорати маводи нашъаовари назди Президенти ҶТ Рустам Назаров дар ҷараёни мулоқот фаъолияти судманди Тоҷикистонро дар амри ҳамкорӣ барои таъмини амнияти минтақа зикр намуд. Мувофиқи суханони Рустам Назаров, рушди минбаъдаи хамкорӣ ягонагии стратегиро таҳким бахшида, ҳамкории байни кишварҳои минтақаро ривоҷу равнақ медиҳад.Дар анҷоми ҷаласа Созишномаи сеҷониба имзо хоҳад шуд. Хотирнишон месозем, ки машварати якуми сеҷонибаи роҳбарони сохторҳои назорати маводи нашъаовари Афғонистон, Қирғизистон ва Тоҷикистон моҳи январи соли ҷорӣ дар шаҳри Душанбе баргузор шуда буд.
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Имрӯз дар якчанд вазорату идораҳо нишастҳои матбуотӣ баргузор мегарданд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар Тоҷикистон бориши борон ва барф пешгӯӣ мешавад
