Мулоқоти С. Девонаев бо О. Гаврук
Душанбе, 15 май. (АМИТ «Ховар», Лутфия Эшонқулова).- Имрӯз дар Душанбе вохӯрии сардори Хадамоти муҳоҷирати назди Ҳукумати Ҷумҳурии Тоҷикистон Сафиалло Девонаев бо сафири фавқулода ва мухтори Ҷумҳурии Беларус дар Ҷумҳурии Тоҷикистон Олга Гаврук баргузор гардид. Зимни мулоқот тарафайн доир ба ҳамкориҳои дуҷониба дар самти муҳоҷирати меҳнатӣ табодули назар карданд. Сардори Хадамоти муҳоҷират доир ба тасдиқи Созишномаи байни Ҳукумати Ҷумҳурии Тоҷикистон ва Ҳукумати Ҷумҳурии Беларус «Оид ба фаъолияти муваққатии шахрвандони Ҷумҳурии Тоҷикистон дар Ҷумҳурии Беларус ва шаҳравандони Ҷумҳурии Беларус дар Ҷумҳурии Тоҷикистон», ки ба имзо расидааст, иттилоъ дод.Ҳамчунин дар навбати худ сафир қайд намуд, ки Созишномаи байниҳукуматӣ дар айни ҳол дар сатҳи омӯзиш қарор дошта, дар фурсати наздик ба тасвиб хоҳад расид. Ҷонибҳо ба мувофиқа расиданд, ки дар рӯзҳои наздик аз Донишгоҳи давлатии аграрӣ дидан хоҳанд кард.Бо ташаббуси сардори Хадамоти муҳоҷират пешниҳод гардид, ки дар оянда ҷиҳати омӯзиши табодули таҷриба, донишҷӯён ба донишгоҳҳои кишварҳои ҳамдигар фиристода шаванд. Тарафҳо зимни мулоқот атрофи дигар лоиҳаҳои дар ин самт мавҷудбуда ибрози андеша намуданд.Дар ин бора ба АМИТ «Ховар» аз маркази матбуоти Хадамоти муҳоҷирати назди Ҳукумати Ҷумҳурии Тоҷикистон хабар доданд.
Имрӯз дар шаҳри Душанбе борон меборад
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Имрӯз дар якчанд вазорату идораҳо нишастҳои матбуотӣ баргузор мегарданд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар Тоҷикистон бориши борон ва барф пешгӯӣ мешавад
