Мулоқоти Ш.Саид бо намояндаи Чин

Душанбе, 24 май. (АМИТ «Ховар», Покиза Маҳмадбекова). – Имрӯз, 24 май, раиси Палатаи савдо ва саноати Ҷумҳурии Тоҷикистон Шариф Саид бо намояндаи ширкати «Henan Yibofu industry Co., Ltd» — и Чин Фудҷун Гао мулоқот анҷом дод.Тавре аз маркази матбуоти ПСС ҷумҳурӣ ба АМИТ «Ховар» хабар доданд, Шариф Саид дар ҷараёни мулоқот аз фаъолияти палата ва самтҳои афзалиятноки ба маблағгузорӣ заруратдоштаи иқтисодиёти ҷумҳурӣ нақл кард. Ҷонибҳо ҳамчунин муносибатҳои дуҷонибаи тиҷоратию иқтисодӣ, имконияти бунёд намудани корхонаҳои муштарак, ҷалби инвиститсияҳо ба саноати маъдан, сохтмон ва хӯрокворӣ, коркарди маҳсулоти кишоварзӣ, дастрас намудани техникаю таҷҳизоти мавриди зарурати саноати коркарди маҳсулотро мавриди муҳокима қарор доданд. Масъалаҳои тарбияи кадрҳо барои соҳаҳои дахлдори иқтисодиёт низ баррасӣ шуданд.