Мушкилоти вобаста ба муҳоҷират баррасӣ мегардад

Душанбе, 10 май.(АМИТ «Ховар», Марзия Саидова).- «Мушкилоти ҳуқуқии муҳоҷират дар Ҷумҳурии Тоҷикистон: назария ва амалияи он»- таҳти чунин унвон фардо дар Душанбе бо ҳузури олимону коршиносон ва масъулини сохтору ниҳодҳои марбута сўҳбати мизи мудаввар баргузор мегардад. Чорабинӣ бо ибтикори Маркази миллии қонунгузории назди Президенти ҷумҳурӣ созмон дода шуда, ҳадафаш баррасии мушкилоти вобаста ба ҳуқуқи муҳоҷирони меҳнатии тоҷик аст. Интизор меравад, ки иштирокдорони чорабинӣ масъалаҳои марбут ба раванди муҳоҷират ва масоили ҳалталаби он, мушкилоти ҳуқуқии муҳоҷират дар Ҷумҳуриии Тоҷикистон, оқибатҳои иҷтимоии муҳоҷирати меҳнатӣ ва таъсири он ба оила, баъзе масъалаҳои қонунгузории Ҷумҳурии Тоҷикистон дар соҳаи муҳоҷират, нақши Созмони Милали Муттаҳид дар танзими муҳоҷирони меҳнатӣ, ҷиҳатҳои гендерии муҳоҷирати меҳнатӣ аз нигоҳи ҳуқуқӣ, масоили ҳуқуқии таъминоти суғуртаи иҷтимоии муҳоҷирони меҳнатӣ дар Тоҷикистонро матраҳ намоянд.